O galego. Lingua propia de Galicia
 Grandes grupos de linguas románicas
Na actualidade, a inmensa maioría da poboación de Galicia (2.712.445 habitantes) entende e fala galego (entre o 80 e 90 por cento do devandito censo). A lingua galega é a primeira lingua de moitas familias, principalmente no rural e nas periferias das cidades, aínda que os hábitos de lectura e as destrezas para a escritura son xa moi inferiores (arredor do 47 e 33 por cento respectivamente). Cómpre advertir, para entender esta situación, que ata o ano 1979 (Lei de bilingüismo) o idioma galego non se incorpora dun xeito regulamentado ao sistema educativo (Estatuto de Autonomía de 1981). As primeiras promocións de nenos e nenas de Galicia que reciben ensino obrigatorio neste idioma, saen das aulas contra o final da década dos anos 80 do século pasado.
En 1983, o Parlamento de Galicia aprobou por unanimidade a Lei de normalización lingüística, redactada para activar a recuperación do idioma. Entre outras iniciativas deu lugar á creación en 1984 da Compañía de Radiotelevisión de Galicia (CRTVG), medios de comunicación de titularidade pública comprometidos estatutariamente coa difusión e uso do galego
|
 |
|
|
|
|
